Bir shańyraq astynda tatý-tátti ómir súrip jatqan óńir etnos ókilderi arasynda qazaq halqynyń salt-dástúrin, mádenı, tarıhı, ulttyq qundylyqtaryn nasıhattaýdy maqsat etetin ortalyq bes baǵyt boıynsha jumys isteıdi. Kez kelgen turǵyn ortalyqqa kelip, túrli jıyn-basqosýlarǵa, «dóńgelek ústel» otyrystaryna qatysyp, usynys-pikirleri aıta alady. Munda sonymen qatar ǵylymı jumystar júrgizilip, ózge de etnomádenı ortalyqtarmen birlesip keshendi sharalar atqarylmaq. Qazaqstan halqy oblystyq assambleıasy hatshylyǵynyń meńgerýshisi Naıl Salımovtyń aıtýynsha jobanyń basty baǵyty – qazaq tiliniń qoldanys aıasyn keńeıtip, kelýshilerdiń memlekettik tildi úırenýine jaǵdaı jasaý.
Ortalyqtyń atqaratyn jumysy kópshiliktiń nazarynda bolyp, ár jyl saıyn qorytyndylanyp otyrady. Keleshekte birneshe úıirme ashylyp, qolóner sheberleriniń ulttyq buıymdar jasaýdyń, ulttyq taǵamdar ázirleýdiń qyr-syrlary úıretiledi. Zııaly qaýym ókilderi men tarıhshylar shaqyrylyp, jastardyń qatysýymen tanymdyq sharalar ótkiziledi.
Ortalyqtyń ashylý saltanatyna jınalǵandar qolóner sheberleri jasaǵan buıymdar men ulttyq kıimder kórmesin qyzyǵa tamashalady.
О́mir ESQALI,
«Egemen Qazaqstan»
Soltústik Qazaqstan oblysy
